Section A
Q1. गाहायाव होनाय रनसायखौ 600 सोदोबजों जायखि-जाया मोनसे लिर: 100 गोनोखोनि बांद्राइ बाहायथाया खैफोद लाबोयो
(a) दोहोरोम बासियै (Secularism) आनो सुबुंदारानि गोहो
(b) डिमनेटाइजेसन (Demonetization) जो भारतीय राखान्थियाव गोलाउ सम-सिमा मुलाम्फा जागोन |c| आयुर्बेदिक-खान्थिनि फार्से सोनाबारि हादोरफोरा गोसो बोखथाबयो (Attraction)
(d) 2. गाहायाव होनाय खोन्दोखौ मोजाङै फराय आरो उनाव होनाय सोंथिफोरखौ रोखा, सैथो आरो रोजोब रावजों फिन हो : 12 × 5 = 60 गोसोनि थाखाय बयनिखूइ हामसिन आदारा जादों बिजाब। सासे बिजिरगिरिया मख'दों दि सुबुं हारिया जायखौ सानबाय, मावखांबाय आरो मोनबाय, बेफोरो बिजाबफोराव बोनथुमजानाय। सुबुं सोदोमस्रि आरो हारिमु जौगानाइनि गाहाम बिमुंखौ बिजाबनोनो होनांगोन। बिजाबफोरनि गोनांथि आरो बेसेना रावजोंबो रुजुजाया। बिजाबफोरा गाववारि इर्सि गोसोखौ गियान होयो। मोजां बिजाबफोरा सुबुंखौ जुनादनिफ्राइ ईसोरसिम लाबोनो हायो। बिसोरनि गुन डिसपजिसन (virtues disposition) खौ सिरि मोनहोनानै बिखौ लामा आन्दाइनाइनिफ्राइ रैखा खालामो थामहिन्बा, सुबुं, समाज आरो हादोरखौ गाहाम लामा दिन्थियो। बिजाबफोरा जोंखौ गोसो आरो मेलेमयाव गोजौरै गोहोम खोख्लैयो आरो बेयो थुलूंगाखांनाइबो होयो। बिजाबफोरा रंजानाइनि बेलायावबो सुबुनो खराग होयो। बेयाव रंजानाइनि ओंथिया खालि मिनिनाइ-रंजानाइजोंल' नङा, बबेखानि रंजानाइनि ओंथिया गोथौ। जायफोर बिजाबफोरा फरायगिरिफोरनि गोसोखौ गोथौयै बिलिरो आरो बिसोरनि गोसोखौ ऐंगेज (engage) खालामना लायो बेनो थार ओंथियाव रंजाथायारि बिजाबफोर। जाय बिजाबा फरायग्राफोरखौ जेसेबां गोथौयाव लाङो, बेयो एसेबांनो रंजाहोग्रा जायो। बेबादिनो, सा-साज्रां थुनलाइनि गोनांथियाबो बाङाइ नङा। बे रोखोम थुनलाइया सुबुनि नारथाइ (stress) खौ मोनसे सिमा सिम खमाइनानै होयो आरो बिनि लोरबां स्पिरिट (spirit) खौ गाहाम खालामो। मोजां बिजाबफोरा सुबुंनो गियान आरो रंजानाइ होयो। बिज्ञान, फालांगि, आरिमु आरो आयेननि बिजाबफोरा सुबुंनि गियानखौ जौगा होयो। बेफोरखौ फराइनानै सुबुङा गावनि इर्सि गोसोनि बोलोखौ बांहोयो। थार बाथ्राया बेनो दि बिजाबफोरा जोंखौ गाहाम लामा दिन्थिगिरि। बेयो जोंनो गोदान गोदान बिथिं आरो गुमुरफोरनि गियानथ' होयो, लोगोसे साननो आरो बेरखां होनोबो बाइद' (compel) खालामनानै होयो। बिजाबफोरा सुबुंनि दुथां आखुखौ फोजोबनानै गोर्ख्रोथि होफैयो। गान्धीजीआ ‘गीता’खौ गावनि बिमा बिमुं होदों मानोना मोनफ्रामबो गोब्राब थासारियाव बिनो आगोर होदोंमोन। बिजाबफोरा बेबादिनो आगोर होग्रा, जाय साजाबो होया आरो रागाबो जोङा आरो बेनि बदलै मुंबो लुबैया नाथाइ एखे समावनो गावनि थैनो रोडै खान्थि (essence of immortality) होनायावबो फेलें खालामा। बिजाबफोरा सुबुंनो थार सुखु आरो दद्र'थि (calmness) होयो। बिजाब मोजां मोनग्राफोरा बइनिखुइबो बोर सारस्रिजानाइ सूबुं। बियो जिउवाव माब्लाबो लांदां मोन्दांनाइ नङा। बिजाबफोरनि सायाव आबुङै सोनारनानै थानो हायो। साननाइ (बिजिरनाइ)नि दावहायाव बिजाबफोराल'नो मोनसे आइजें (अस्त्र)। बिजाबफोराव थानाइ साननाइ-ह'नाइफोरा गासै समाजखौ गुस्लाइहोनो हानाइ गोहो दंजायो। दिनैनि संसारा साननाइनिनो संसार। समाजाव जेब्लानो माबा मोनसे सोलायनाइ फैयो एबा जांखृथाइ जायो, बेनि गुदियाव माबा मोनसे सान्दांथि थायो। बइनिखुइ साबसिन बिजाबफोरा समाजाव गोदान \boldsymbol2 STH-C-BBO/30
